Litur 59
Svartur. Ég hef ekki notað þennan áður. Mér hefur ekki endilega fundist fallegt að hafa litaðan svartan. Ég er hinsvegar mjög hrifin af honum þegar allt kemur til alls. Mér finnst líka koma mjög fallega út að hafa svona skarpa liti með.
Munstrið er úr sjónabókinni, þ.e. mörg munstur sett saman og aðlagað að lopapeysu.

Litur 1401
Hnetubrún samkemba. Fallegur brúnn með yrjum af rauðu, orange og grænum. Ég nota þennan lit mikið og finnst sá ryðbrúni koma mjög vel út með honum.
Munstrið er afbökun á munstri sem ég fékk gefinst.

...og þá eru sautján litir eftir og tuttuguogtvær vikur þangað til fyrsti september rennur upp. Svo þetta er ennþá á áætlun hjá mér.

Þeir sautján sem eftir eru:

51		hvítur
53		mórauður
56		ljósgrár
57		grár
58		dökkgrár
59		svartur
85		ljósmórauður
86		ljósljósmórauður
1401		hnetubrún samkemba
1407		grenigræn samkemba
1417		kal
1419		ax
9414		dökkrauður
9419		hafblár
9420		dökkblár
9422		grænn
9423		blágrænn yfirlitaður

Litur 1414
Fjólublá samkemba. Fallegur og bjartur litur. Nota hann mjög líklega aftur. Ég er líka ánægð með litavalið í munstrinu.Munstrið er átta blaða rós, sem ég gerði sjálf, en er örugglega til í hundrað uppskriftabókum.

Litur 9428
Ljósvínrauður. Hef notað þennan nokkrum sinnum og er ánægð með hann. Munstið er blóm úr Sjónabókinni.

Litur 1406
Vorgræn samkemba. Sumarlegur litur og dálítið glannalegur en ég gæti alveg hugsað mér að nota hann aftur.
Munstrið er frá Ístex: http://istex.is/islenska/uppskriftir/vara/16365/

Litur 0054
Ljósasti grái liturinn. Fallegur og klassískur.
Munstrið er frá Ístex: http://istex.is/prjonabok/Istex01.html

Litur 0005
Sauðsvartur. Klassísk rennd herrapeysa.
Munstrið er frá Ístex og heitir Fugl: http://istex.is/prjonabok/Istex25.html

Litur 1409
Granatrauð samkemba. Er mjög ánægð með þennan lit og nota hann örugglega aftur.
Munstrið er úr Sjónabókinni sem ég aðlagaði að lopapeysu.